“İtirilmiş Dünya” Alp dağlarında tapılıb

“İtirilmiş Dünya” Alp dağlarında tapılıb

Həqiqi “İtirilmiş Dünya” Alp dağlarında turistlər tərəfindən tapılıb.

"Azərbaycan müəllimi" xəbər verir ki, Milan Təbiət Tarixi Muzeyinin əməkdaşlarının dediyinə görə, insanlar təsadüfən dağ parkında, təxminən 1 700 metr yüksəklikdə naməlum izlər aşkar ediblər. Tapıntı alimlərin marağını cəlb edib və onlar inanılmaz dərəcədə yüksək olan bu yerdə 280 milyon ildən çox öncə – Perm dövründə burada mövcud olmuş həyatın izlərini tapıblar. Bu o deməkdir ki, dağ ekosistemi yer üzündə dinozavrlar yaranmazdan çox əvvəl mövcud olub.

Paleontoloqlar qədim dövrə aid sürünənlər, amfibiya heyvanları və həşəratların fosil izlərini tapıblar. Ayaq və quyruq izləri ölçüləri ilə heyrətləndirir. Maraqlıdır ki, daşlaşmış gil üzərində hətta yağış damcıları belə qorunub saxlanıb. Əvvəlki məlumatlara görə, qədim dövrlərdə Alp dağlarında iki-üç metr boyunda nəhəng varlıqlar yaşamışdır.

Qəribə səslənsə də, bu izlərin qorunmasına su “kömək edib”. Nəmli daşlar birdən-birə və sürətlə günəş altında quruyub və o qədər sərtləşib ki, hətta su yenidən gəlsə də, yeni strukturunu qoruyub saxlayıb. Su fosilləri yeni gil qatı ilə örtərək onlara “yataq örtüyü” kimi bir təbəqə çəkib.
Tədqiqatçılar hesab edirlər ki, sirli Alp dünyası qlobal istiləşmə nəticəsində məhv olub.

Perm dövrü təxminən 300 milyon il əvvəl başlayıb və 50 milyon il davam edib. Sonra Yer üzündə qlobal istiləşmə baş verib və 251 milyon il əvvəl Böyük Perm nəslinin kütləvi yox olması baş verib, bunun nəticəsində Yer üzündəki növlərin 70 faizinə qədər yox olub.

Maraqlıdır ki, bu “itmiş” dünyanı tapmağa da kömək edən hazırkı qlobal istiləşmə olub: dağların altındakı qayalar buzlaqların əriməsi sayəsində ortaya çıxıb.