Məktəblilər arasında respublika çempionatı başlayıb

06 Oktyabr 2025 14:15 |
Kateqoriya : ORTA TƏHSİL |
6

Məktəblilər arasında respublika çempionatı başlayıb

Oktyabrın 1-dən etibarən atletika, basketbol və badminton idman növləri üzrə “Məktəblilər arasında respublika çempionatı”na başlanılıb.

“Azərbaycan müəllimi” xəbər verir ki, çempionat Məktəbəqədər və Ümumi Təhsil üzrə Dövlət Agentliyi, Azərbaycan Atletika Federasiyası, Azərbaycan Basketbol Federasiyası və Azərbaycan Badminton Federasiyasının birgə təşkilatçılığı ilə keçirilir.

Yarışlar atletika və badminton üzrə 2014–2015-ci il, basketbol üzrə isə 2015–2016-cı il təvəllüdlü məktəblilər arasında təşkil olunub.

Qeyd edək ki, çempionatın məqsədi ümumi təhsil məktəblərində bədən tərbiyəsi və idmanın şagirdlər arasında kütləviləşdirilməsi, fiziki tərbiyə fənninin tədrisinin təkmilləşdirilməsi, həmçinin məktəblilər arasında sağlam və aktiv həyat tərzinin təşviq olunmasıdır.

Facebookda bizi izləyin

Telegram kanalı

Whatsapp kanalı

Əvvəlki Xəbərlər Naxçıvan məktəblisi MDB Oyunlarının medalçısı olub

Sonrakı Xəbərlər Prezident təqaüdçüsü: Universiteti də əla qiymətlərlə bitirəcəyəm