- 327
- 24 Fevral 2025 20:02

PISA-nın iqlim savadlılığı üzrə qiymətləndirməsinin pilot mərhələsi keçirilir
- 08 Oktyabr 2025 13:06 |
- Kateqoriya : ORTA TƏHSİL |
- 3
PISA-nın iqlim savadlılığı üzrə qiymətləndirməsinin pilot mərhələsi keçirilir
7 oktyabrdan etibarən Azərbaycanda 14-16 yaşlı şagirdlərin iqlim savadlılığı üzrə qiymətləndirmənin pilot mərhələsinin keçirilməsinə start verilib.
“Azərbaycan müəllimi” xəbər verir ki, qiymətləndirmə oktyabr ayı ərzində davam edəcək.
İqtisadi Əməkdaşlıq və İnkişaf Təşkilatı (İƏİT) Azərbaycanın COP29-da irəli sürdüyü təşəbbüsdən sonra PISA-nın 2029-cu il dövrünə iqlim savadlılığının yeni səriştə əsaslı qiymətləndirilməsini daxil etməyi nəzərdən keçirir. İdeyanın təşəbbüskarı kimi Azərbaycan da bu mərhələdə 14-16 yaşlı şagirdlərlə iştirak edir. Qiymətləndirmədə 65 məktəbdən təqribən 1600-dən çox şagirdin iştirak edəcəyi gözlənilir.
Qiymətləndirmə iki hissədən ibarətdir:
1) Şagirdlərin iqlim savadlılığını ölçən koqnitiv hissə;
2) Şagirdlərin müxtəlif iqlim məsələləri ilə bağlı yanaşma və davranışlarını ölçən sorğu hissəsi.
Pilot mərhələ sualların məzmun uyğunluğunu və çətinlik dərəcəsini yoxlamaq məqsədi daşıyır.