ETİHİ və “Push30” – Pilot layihəsinin təqdimat mərasimi keçirilir

ETİHİ və “Push30” – Pilot layihəsinin təqdimat mərasimi keçirilir

Elm və Təhsil İşçiləri Həmkarlar İttifaqı (ETİHİ) və “Push30” – Pilot layihəsinin təqdimat mərasimi keçirilir.

“Azərbaycan müəllimi” xəbər verir ki, tədbir “Sağlam müəllim – sağlam gələcəyin qurucusu” şüarı ilə baş tutur.

Elm və Təhsil İşçiləri Həmkarlar İttifaqı (ETİHİ) və “Push30” şirkətinin birgə həyata keçirdiyi pilot layihənin əsas məqsədi ölkəmizin elm və təhsil işçilərini sağlam həyata təşviq etmək, onların idmana olan marağını artırmaq və sağlamlıq mədəniyyətini təhsil icması arasında gücləndirməkdir.

Layihə çərçivəsində ETİHİ-yə üzv olan 3 min təhsil işçisinə “Standart” və “Plus” “Push30” abunəlikləri xüsusi güzəştli şərtlərlə təqdim olunur.

Tədbirdə Elm və Təhsil Nazirliyinin rəhbər heyəti və nümayəndələri, Elm və Təhsil İşçiləri Həmkarlar İttifaqının rəhbərliyi, “Push30” şirkətinin rəhbər şəxsləri, təhsil müəssisələrinin müəllim və inzibati heyəti və media nümayəndələri iştirak edirlər.