Hərbi hazırlıq rəhbəri işləmək istəyənlər üçün sənəd qəbulu başladı

Naxçıvan Muxtar Respublikası  Təhsil Nazirliyinə tabe təhsil müəssisələrindəki  vakant gənclərin çağırışaqədərki hazırlığı rəhbəri vəzifəsinə işə qəbul üzrə müsabiqə üçün sənəd qəbulu elan edilib.
"Azərbaycan müəllimi" xəbər verir ki, qeyd olunan vəzifə üzrə işə qəbul olmaq istəyən şəxslər  4 noyabr tarixindən  21 noyabr aşağıda qeyd olunan sənədləri rayon (şəhər) təhsil şöbələrinə təqdim etməklə qeydiyyatdan keçə bilərlər.
 
 ️Tələb olunan sənədlər aşağıdakılardır: şəxsiyyət vəsiqəsinin surəti, tərcümeyi-hal, hərbi biletin surəti (yazılı hissələrinin), əmək fəaliyyətini təsdiq edən sənədin surəti (olduğu halda), müvafiq təhsil haqqında sənədin və əlavənin surəti, Qarabağ müharibəsində iştirakı və sosial statusu (müharibə veteranı, müharibədə əlillik dərəcəsi almış şəxs) təsdiq sənədin surəti (əgər varsa).

 Müvafiq qaydada qeydiyyatdan keçmiş şəxslərin ərizədəki məlumatlarının uyğunluğu yoxlanıldıqdan sonra müsabiqənin test imtahanı mərhələsində iştirakı təmin ediləcək.

Müsabiqədə ali hərbi, yaxud ali mülki təhsilli, ehtiyatda (istefada) olan zabitlər, gənclərin çağırışaqədərki hazırlığı rəhbəri ixtisası üzrə ali, həmçinin hərbi orta ixtisas təhsilli, ehtiyatda (istefada) olan zabitlər (ixtisaslı mütəxəssislər olmadıqda, ucqar kənd yerlərində gizir və çavuşlar) iştirak edə bilərlər.

Müsabiqə şərtləri ilə bağlı məlumat https://l24.im/FaLJP linkində, proqramla bağlı məlumat https://l24.im/VHaKym linkində, vakant olan vəzifələrlə bağlı məlumat isə https://l24.im/csaUqrd linkində yerləşdirilib.