AzMİU və Balıkəsir Universiteti arasında əməkdaşlıq genişlənir

Azərbaycan Memarlıq və İnşaat Universiteti (AzMİU) Təsviri incəsənət kafedrasının baş müəllimi Həsən Həsənov Orhun Mübadilə Proqramı çərçivəsində Türkiyənin Balıkəsir Universitetində olub.

AzMİU-dan "Azərbaycan müəllimi"nə bildirilib ki, bir həftə davam edən səfər çərçivəsində Həsən Həsənov Balıkəsir Univeristetinin rektoru akademik Yücel Oğurlu və sözügedən universitetin İncəsənət fakültəsinin dekanı professor Selvihan Kılıç Ateşlə görüşüb.

O, AzMİU-nun təhsil siyasəti, burada həyata keçirilən yeniliklər, əməkdaşlıqlar, eləcə də ikili diplom proqramları ilə bağlı geniş məlumat verib.

Həsən Həsənov Balıkəsir Universitetində dizayn, kompüter qrafikası, rəngkarlıq dərslərinə qatılıb və öz tərcübəsini tələbələrlə bölüşüb. Tələbələrə master-klas keçib, yağlı boya ilə işləməyin texnikasını əyani şəkildə nümayiş etdirib.

Bundan başqa, Həsən Həsənov Balkəsir Universitetində AzMİU-nun Dizayn fakültəsi tələbələrinin işlərindən ibarət sərgi təşkil edib. Sərgi univeristetin müəllim və tələbə heyəti tərəfindən maraqla qarşılanıb.