Tovuzda məktəb binasında yanğın olub, şagird və müəllimlər təxliyə edilib

Tovuzda məktəb binasında yanğın olub, şagird və müəllimlər təxliyə edilib

Dekabrın 5-də Tovuz şəhər A.S.Puşkin adına tam orta məktəbin 3-cü mərtəbəsində naqillərin paylanma qutusunda və kabel xətlərində yaranan qısa qapanma nəticəsində yanğın baş verib.

Qazax-Tovuz Regional Təhsil İdarəsindən "Azərbaycan müəllimi"nə bildirilib ki, məktəbdə yanğın təhlükəsizliyi ilə bağlı əvvəlcədən görülmüş tədbirlər sayəsində hadisənin yayılmasının qarşısı alınıb, şagird və müəllimlər təxliyə planına uyğun olaraq təhlükəsiz yerə təxliyə ediliblər.

Onların səhhətində hər hansı bir problem yaranmayıb.

Bildiririk ki, təhsil müəssisəsinin elektrik sisteminə ciddi ziyan dəyib. Təhlükəsizliyi və tədris prosesinin fasiləsizliyini təmin etmək üçün zəruri tədbirlər görülür, məktəbin elektrik sisteminin ən qısa zamanda bərpası çərçivəsində işlər aparılır.

Hazırda müvafiq təhsil sektorunun rəhbərliyi və əməkdaşları təhsil müəssisəsindədirlər.