ADNSU-da “Layihələrin idarə olunması” üzrə təlim proqramına start verilib

Noyabrın 25-də Azərbaycan Dövlət Neft və Sənaye Universitetində (ADNSU) İnsan Resursları Departamentinin nəzdində fəaliyyət göstərən AZİ Akademiyanın və universitetin Həmkarlar İttifaqı Komitəsinin təşkilatçılığı ilə əməkdaşlar üçün “Layihələrin idarə olunması” üzrə yeni təlim proqramına başlanılıb.

"Azərbaycan müəllimi" xəbər verir ki, təlimi layihə idarəçiliyi sahəsində 10 ildən artıq təcrübəyə malik və hazırda SOCAR Downstream Management strukturu çərçivəsində Heydər Əliyev adına Neft Emalı Zavodunun Yenidənqurma və modernizasiya layihəsində Baş layihə mühəndisi kimi fəaliyyət göstər Teymur Rəhimov aparıb.

Təlim zamanı iştirakçılara layihə idarəçiliyinin əsas istiqamətləri barədə geniş məlumat verilib. Sessiyada layihələrin idarə edilməsinə giriş, işlər həcminin idarə edilməsi, layihə qrafikinin idarə edilməsi, layihə xərclərinin, resursların və müqavilələrin idarə edilməsi, layihə risklərinin idarə edilməsi, layihə keyfiyyətinin idarə edilməsi, eləcə də layihə rəhbərinin, komandanın və tərəfdaşların rolu haqqında danışılıb. Təlimdə həmçinin müasir idarəetmə yanaşmaları mövzuları da müzakirə olunub.

Təlim iştirakçılar tərəfindən maraqla qarşılanıb və mövzular üzrə fəal müzakirələr aparılıb.

Qeyd edək ki, 2 həftəlik proqram 8 təlimdən ibarətdir.