Turxan Süleyman: Yeni normativ aktların hazırlanması müzakirə ediləcək

“Azərbaycan Respublikasının 2027–2030-cu illərdə sosial-iqtisadi inkişaf Strategiyası”nın layihəsində peşə təhsili müəssisələrinin sayının artırılması, məzmun və keyfiyyətin yenilənməsi, adambaşına maliyyələşdirmənin genişləndirilməsi, yeni peşə təhsil proqramlarının tətbiqi kimi bütün  məsələlər müzakirəyə açıqdır”.

“Azərbaycan müəllimi” xəbər verir ki, bu fikirləri bu gün təşkil edilən “Peşə təhsili: nailiyyətlər və çağırışlar” konfransında Elm və Təhsil Nazirliyinin Elm, ali, peşə təhsili şöbəsinin müdiri Turxan Süleyman səsləndirib.
O qeyd edib ki, təkliflər həm hökumətə, həm də ictimaiyyətə təqdim olunub:

“Oxşar müzakirələri ali təhsil müəssisələri ilə apardığımız kimi orta ixtisas təhsili müəssisələri ilə də aparmışıq”.

O əlavə edib ki, növbəti ilin yanvar ayından qanunvericilik bazasının yenilənməsi və yeni normativ-hüquqi aktların hazırlanması ilə bağlı təşəbbüslər də müzakirə ediləcək.