ADNSU-da qız tələbələr üçün təqaüd proqramı üzrə infosessiya keçirilib

Dekabrın 8-də Azərbaycan Dövlət Neft və Sənaye Universitetinin (ADNSU) Məzunlarla İş və Karyera Mərkəzinin və Təcrübə şöbəsinin təşkilatçılığı ilə “Coca-Cola Azərbaycan” şirkətinin qadınların təhsil və karyera inkişafını dəstəkləməyə yönəlmiş "Women Scholarship" programı çərçivəsində xüsusi infosessiya keçirilib.

"Azərbaycan müəllimi" xəbər verir ki, görüşdə ADNSU-nun Məzunlarla İş və Karyera Mərkəzinin müdiri Şamil Əhmədov, Təcrübə şöbəsinin müdiri Zümrüd Hüseynova, “Coca-Cola Azərbaycan” şirkətinin İnsan Resursları Departamentinin əməkdaşları, həmçinin universitetin 3 və 4-cü kurs bakalavr və sonuncu kurs magistratura səviyyəsində təhsil alan qız tələbələri iştirak ediblər.

ADNSU-nun Təcrübə şöbəsinin “Coca-Cola Azərbaycan” şirkəti ilə uzunmüddətli əməkdaşlıq əlaqələrinin inkişaf etdirilməsi istiqamətində həyata keçirdiyi işlər çərçivəsində mövcud təqaüd proqramı əsasında universitetdə növbəti dəfə keçirilən infosessiya zamanı proqram haqqında ətraflı məlumat verilib. Bildirilib ki, "Women Scholarship" programı çərçivəsində təqdim olunan imkanlar, proqramın məqsədi, üstünlükləri, müraciət qaydaları, seçim meyarları və müsahibə mərhələləri ətraflı şəkildə iştirakçıların diqqətinə çatdırılıb. Sonda tələbələrin mövzu ilə bağlı sualları cavablandırılıb.

“Coca-Cola Azərbaycan” şirkətinin nümayəndələri proqramın qadın tələbələrin mühəndislik və digər texniki sahələrdə peşəkar inkişafına dəstək göstərməyi hədəflədiyini vurğulayıblar. Tədbirin sonunda keçirilən sual-cavab sessiyası tələbələrin bütün suallarına aydınlıq gətirib.

İnfosessiya mühəndislik sahəsində gələcək karyera qurmaq istəyən qız tələbələr üçün istiqamətverici və motivasiyaedici platforma rolunu oynayıb.