“İnsan hüquqlarını təkbaşına qoruya bilmərik” — BMT ölkələri həmrəyliyə çağırır

BMT Baş Məclisi tərəfindən 1948-ci il dekabrın 10-da Ümumdünya İnsan Hüquqları Bəyannaməsi qəbul edilib. 1950-ci ildən başlayaraq hər il dekabrın 10-da dünya ölkələrində Beynəlxalq İnsan Hüquqları Günü qeyd olunur. İnsan hüquqlarının qorunması BMT-nin təməl prinsiplərindən biridir və təşkilat təsis olunduğu gündən bu missiyanı davam etdirir.

Bəyannamə bütün insanlar üçün əsas hüquq və azadlıqları müəyyən edən tarixi bir sənəddir. Bəyannamənin məqsədi hüquqları ilə bağlı maarifləndirməni artırmaq, hər kəsin irqindən, cinsindən, dinindən və ya başqa statusundan asılı olmayaraq eyni hüquqlara malik olduğunu göstərməkdir.

“Azərbaycan müəllimi” xəbər verir ki, BMT-nin Baş katibi  Antonio Quterreş Ümumdünya İnsan Hüquqları Günü münasibətilə bəyanat verib. Bəyanatda qeyd olunur: “Təxminən səksən il əvvəl Ümumdünya İnsan Hüquqları Bəyannaməsi hər bir insanın yaşaması və çiçəklənməsi üçün nəyin lazım olduğunu müəyyənləşdirdi. Bu, fəlsəfi və siyasi bir irəliləyiş idi və o vaxtdan bəri qlobal cəmiyyətimizin əsasını təşkil edir. İnsan hüquqları mülki, siyasi, iqtisadi, sosial və mədəni cəhətdən bir-birindən ayrılmaz, bölünməz və qarçılıqlı əlaqəlidir.

Ancaq son illər vətəndaş məkanının daralmasına səbəb oldu. İnsan əzablarına qarşı açıq-aşkar hüquqlara və ürəksiz laqeydliyə dəlalət edən ciddi pozuntular görürük. İnsan hüquqlarını həyata keçirən qurumları müdafiə edərək bu ədalətsizliyə qarşı çıxa bilərik. Hər gün Birləşmiş Millətlər Təşkilatı bütün dünyada insanlara ən əsas hüquqlarını həyata keçirməyə kömək edir. Vətəndaş cəmiyyəti və hökumətlərlə birlikdə ərzaq çatdırırıq və yaşayış yeri ilə təmin edirik; təhsili və seçkiləri dəstəkləyirik; əraziləri minalardan təmizləyirik; ətraf mühiti qoruyuruq; qadınların hüquq və imkanlarını genişləndir və sülh üçün çalışırıq. 
Ancaq bunu təkbaşına edə bilmərik. Bu iş bütün insanların hər yerdə aktiv mövqe tutmasından asılıdır. Hüquqlarımız heç vaxt qazanc və ya gücə yol verməməlidir. Gəlin hər kəsin ləyaqəti və azadlığı naminə onları qorumaq üçün birləşək”.

Qeyd edək ki, dövlət müstəqilliyini yenidən bərpa edən Azərbaycan demokratik, hüquqi və dünyəvi dövlət quruculuğu yolunu seçmiş, BMT-nin İnsan hüquqları haqqında Ümumi Bəyannaməsinə və digər beynəlxalq konvensiyalara qoşulub.  

Hələ 1995-ci ildə Ümummilli Lider Heydər Əliyevin rəhbərliyi ilə insan hüquqlarının və azadlıqlarının təmin edilməsini dövlətin ali məqsədi kimi bəyan edən ilk milli Konstitusiyamızın qəbul olunması ölkəmizdə insan və vətəndaş hüquqlarının və azadlıqlarının qorunmasına, vətəndaşların həyat səviyyəsinin təmin edilməsinə göstərilən diqqətin bariz nümunəsidir.

Eyni zamanda ölkəmizdə 2002-ci və 2009-cu illərdə referendum yolu ilə Konstitusiyaya bir sıra mühüm əlavə və dəyişikliklərin edilməsi, 27 dekabr 2011-ci il tarixdə "Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı"nın qəbul olunması da tam mütərəqqi xarakter daşımaqla insan və vətəndaş hüquqlarının və azadlıqlarının daha səmərəli qorunmasına, vətəndaşların layiqli həyat səviyyəsinin təmin edilməsinə, demokratiyanın genişlənməsinə və inkişafına yönəlmişdir.

Beləliklə, də respublikamızda insan hüquqlarının demokratik dəyərlər çərçivəsində təmin olunması bu sahədə dövlət siyasətinin əsas istiqamətlərindən biri hesab olunur.

Azərbaycan 30 illik işğal səbəbindən həm də humanitar fəlakətlə, 1 milyona yaxın soydaşımızın hüquqlarının bərpası istiqamətində mübarizə aparıb. 44 günlük Vətən müharibəsində əldə etdiyimiz böyük şanlı Zəfər, həmçinin uğurlu antiterror əməliyyatından sonra məcburi köçkünlərin də öz doğma yurdlarına ləyaqətli və təhlükəsiz qayıdış hüququ bərpa olunub.