Bərdədə praktiki təhsilin gücləndirilməsi müzakirə olunub

Bərdə Dövlət Peşə Təhsil Mərkəzində Kənd Təsərrüfatı Nazirliyi yanında Aqrar Xidmətlər Agentliyinin əməkdaşları ilə görüş keçirilib.

"Azərbaycan müəllimi" xəbər verir ki, praktiki təhsilin gücləndirilməsi  məslələrinə həsr olunmuş görüşdə  Kənd Təsərrüfatı Nazirliyi yanında Aqrar Xidmətlər Agentliyinin rəhbər inzibati  və struktur bölmələrinin əməkdaşları, Bərdə Dövlət Peşə Təhsil Mərkəzinin rəhbərliyi və inzibati əməkdaşları iştirak edib.

Görüşdə Bərdə Dövlət Peşə Təhsil Mərkəzi və Aqrar Xidmətlər Agentliyi  arasında gələcəkdə birgə əməkdaşlıq çərçivəsində mərkəzin kənd təsərrüfatı sahəsi üzrə təhsil alan tələbələrinin istehsalat təcrübəsinin təşkili, təlimlərin keçirilməsi,  kənd təsərrüfatı və heyvandarlıq sahələrinin birgə inkişaf etdirilməsi, 2026-2027-ci tədris ili üzrə tələbə qəbulu üçün əmək bazarının tələblərinə uyğun ixtisasların sifariş verilməsi, tədris proqramlarının müzakirəsi və eyni zamanda məzunların işlə təmin olunması məsələləri müzakirə olunub.