Bu ixtisas üzrə xarici kvalifikasiyaların tanınmasında aşağı nəticə qeydə alınıb

Bu ixtisas üzrə xarici kvalifikasiyaların tanınmasında aşağı nəticə qeydə alınıb

““Yanğın təhlükəsizliyi mühəndisliyi” ixtisası üzrə xaricdə əldə edilmiş kvalifikasiyaların son peşə tanınması imtahanında müvəffəqiyyət göstəricisi cəmi 44% təşkil edib”.

“Azərbaycan müəllimi” xəbər verir ki, bunu Təhsildə Keyfiyyət Təminatı Agentliyinin (TKTA) İdarə Heyətinin sədri Tural Əhmədov 2025-ci ilin yekunlarına dair keçirilən brifinqdə deyib.

Onun sözlərinə görə, Təhsildə Keyfiyyət Təminatı Agentliyinin sifarişi əsasında Dövlət İmtahan Mərkəzi tərəfindən 19 dekabr 2025-ci il tarixində təşkil olunan peşə tanınması imtahanında bu ixtisas üzrə iştirak edən namizədlərin 66%-i uğursuz nəticə əldə edib. Belə ki, imtahanda “Yanğın təhlükəsizliyi mühəndisliyi” ixtisası üzrə iştirak edən 29 nəfərdən 19-u uğursuz nəticə göstərib, yalnız 10 müraciətçi müvəffəqiyyət qazanıb.

Qeyd edilib ki, uğursuz nəticələrin əsas hissəsi Ukrayna və Rusiya Federasiyasının ali təhsil müəssisələrinin məzunlarının payına düşür. Belə ki, sözügedən ixtisas üzrə peşə tanınması imtahanında uğursuz nəticə göstərən müraciətçilər kvalifikasiyalarını Ukraynada Ukrayna Milli Mülki Müdafiə Universitetində, Rusiya Federasiyasında isə Sankt-Peterburq Dövlət Yanğından Mühafizə Xidməti Universitetində əldə ediblər.