İnformatikadan beynəlxalq olimpiadalara hazırlaşanlar üçün qış düşərgəsi təşkil olunub

İnformatika fənni üzrə beynəlxalq olimpiadalara hazırlıq məqsədilə yuxarı yaş qrupu şagirdləri üçün qış düşərgəsi təşkil olunub.

"Azərbaycan müəllimi" xəbər verir ki, Rəşad Məmmədovun rəhbərliyi ilə keçirilən sessiyalarda beynəlxalq olimpiadalarda yüksək nailiyyətlər qazanan olimpiadaçılar Ayxan Dəmirli, Səid Nəsibov, Tahir Əliyev və Raul Cəfərli iştirakçılarla görüşüblər.

Görüşlər zamanı təcrübəli olimpiadaçılar şagirdlərlə öz hazırlıq strategiyalarını, yarış təcrübələrini, qarşılaşdıqları çətinlikləri və uğur qazanmaq üçün vacib olan bilik və bacarıqları bölüşüb, iştirakçıların suallarını cavablandırıblar.

Qeyd edək ki, qış düşərgəsi şagirdlərin bilik və bacarıqlarının inkişaf etdirilməsi, motivasiyasının artırılması və beynəlxalq olimpiadalara daha sistemli şəkildə hazırlaşmaları baxımından mühüm əhəmiyyət kəsb edir.