LDU-da keçirilən elmi seminarda riyaziyyatın inkişaf mərhələləri müzakirə edilib

Lənkəran Dövlət Universitetində Riyaziyyat və informatika kafedrasında BDU-nun və AR ETN Riyaziyyat institutunun alimləri – riyaziyyat üzrə elmlər doktoru, prof. Nihan Əliyev, texnika elmləri, doktoru prof. Mahir Rəsulov, dos. İsmixan Yusubov və BDU-nun nəzdində Tətbiqi riyaziyyat Elmi-Tədqiqat İnstitunun əməkdaşı Əhmədəli Əliyevin iştirakı ilə növbəti elmi seminar keçirilib.

LDU-dan "Azərbaycan müəllimi"nə verilən məlumata görə, elmi seminarı Riyaziyyat və informatika kafedrasının müdiri dos. Ruslan Həmidov açıb və seminarın mövzusunu açıqlayıb. Seminarda “Riyaziyyatın inkişaf mərhələləri” mövzusunda prof. Nihan Əliyev və “Kaprekar sabitləri və onların doğuranları haqqında” mövzusunda dos. İsmixan Yusubov məruzə edib.

Sonra məruzələr ətrafında diskussiya keçirilib və seminar iştirakçılarını maraqlandıran suallar cavablandırılıb.