Gəncə məktəbliləri robototexnika üzrə respublika turnirinin qalibi olublar

Elm və Təhsil Nazirliyinin, Gənclər və İdman Nazirliyinin dəstəyi və STEAM Azərbaycanın təşkilatçılığı ilə keçirilən “VEX V5 Robotics Competition” yarışının Respublika turnirində Gəncəni təmsil edən “Ganja Robotics” komandası 1-ci yerə layiq görülüb.

"Azərbaycan müəllimi" xəbər verir ki, komandanın tərkibində Gəncə şəhər Fizika, riyaziyyat və informatika təmayüllü liseyin, Gəncə şəhər 34 nömrəli tam orta məktəbin və Gəncə şəhər M.Mehdizadə adına 4 nömrəli məktəb-liseyin şagirdləri yer alıblar.

Eyni zamanda, 10–15 yaşlı məktəblilər arasında təşkil olunan “VEX IQ Competition” yarışının Respublika turnirində “GanjaTechX” komandası 2-ci yerə layiq görülüb. Bu komandanın heyətində isə Gəncə şəhər Fizika, riyaziyyat və informatika təmayüllü liseyin, Gəncə şəhər İ.Məmmədov adına 27 nömrəli məktəb-liseyin və Gəncə şəhər M.Hadi adına 10 nömrəli tam orta ümumtəhsil məktəbinin şagirdləri təmsil olunublar. Qeyd edək ki, qalib komandalar əldə etdikləri nəticə ilə ölkəmizi beynəlxalq arenada təmsil etmək hüququ qazanıblar.