Naxçıvanlı cüdoçu qızıl medal qazanıb

23 Fevral 2026 19:07 |
Kateqoriya : ORTA TƏHSİL |
3

Naxçıvanlı cüdoçu qızıl medal qazanıb

Abşeron Olimpiya İdman Kompleksində U-14 yeniyetmələr arasında cüdo üzrə liqa yarışının I turu başa çatıb.

"Azərbaycan müəllimi" xəbər verir ki, yarışda 94 klub və idman cəmiyyətindən olan 541 cüdoçu (452 oğlan, 89 qız) mübarizə aparıb.

Naxçıvan Muxtar Respublikasından yarışa məşqçi Orxan Quliyevin rəhbərliyi ilə Naxçıvan Şəhər Uşaq-Gənclər İdman Məktəbinin 5 idmançısı qatılıb. Onlardan biri mükafatçılar sırasına düşməyi bacarıb. Belə ki, 57 kq çəki dərəcəsində çıxış edən Yasəmən Əliyeva üç görüş keçirib və rəqiblərini məğlub edərək qızıl medal qazanıb. Yasəmən bu nəticə ilə liqada yüksək reytinq qazanma yolunda önəmli başlanğıca nail olub.

Qeyd edək ki, cari ildə U-14 Liqa yarışı üç turdan ibarətdir. Bu yarışlar nəticəsində idmançıların reytinq cədvəli formalaşacaq.

Facebookda bizi izləyin

Telegram kanalı

Whatsapp kanalı

Əvvəlki Xəbərlər Səməd Vurğunun 120 illik yubileyi qeyd ediləcək – SƏRƏNCAM

Sonrakı Xəbərlər Gəncə şagirdləri Azərbaycan çempionu olublar