Şamaxı Astrofizika Rəsədxanası Gənc Alim və Mütəxəssislər Şurasının növbəti ustad dərsi keçirilib

Şamaxı Astrofizika Rəsədxanası Gənc Alim və Mütəxəssislər Şurasının növbəti ustad dərsi keçirilib

Oktyabrın 25-də Azərbaycan Respublikası Elm və Təhsil Nazirliyi N.Tusi adına Şamaxı Astrofizika Rəsədxanasının (ŞAR) Gənc Alim və Mütəxəssislər Şurasının (GAMŞ) gənc tədqiqatçılar üçün növbəti ustad dərsi keçirilib.

Tədbiri astronomiya üzrə fəlsəfə doktoru Ülkər Rüstəm giriş sözü ilə açaraq, iştirakçıları salamlayıb və onlara məruzənin mövzusu haqqında məlumat verib.

Sonra rəsədxananın "Qoşa ulduzlar və eruptiv proseslər" şöbəsinin aparıcı elmi işçisi, fizika-riyaziyyat üzrə fəlsəfə doktoru, dosent Bayram Rüstəmov "Alqol tipli tutulan qoşa ulduz sistemləri: Dünən, bu gün və sabah" mövzusunda məruzə ilə çıxış edib.

Məruzəçi seminarda qarşılıqlı cazibə əlaqəsində olan yarımayrılmış - komponentlərindən biri Roş boşluğunu doldurmuş sıx qoşa ulduz sistemlərindən danışıb. Qeyd edib ki, tipik Alqollar üçün sistemin komponentləri: Baş komponent – daha qızmar, massiv B-A Baş Ardıcıllıq ulduzu, ikinci onun peyki – öz Roş sərhəddini doldurmuş, daha soyuq və kütləcə kiçik olan F-K nəhəng və ya subnəhəng ulduzdur. Kütlə soyuq donor ulduzundan isti geyner (Geiner) ulduzuna ötürülür. Bu ulduzlar ulduz təkamülündə unikal bir nümunə - Alqol paradoksu ilə məşhurdur.

Seminar iştirakçıları tərəfindən maraqla qarşılanan məruzənin sonununda mövzu ətrafında geniş diskussiya aparılıb, suallar cavablandırılıb.

Azərbaycan Respublikası Elm və Təhsil Nazirliyi

N.Tusi adına Şamaxı Astrofizika Rəsədxanası

İnformasiya təminatı və ictimaiyyətlə əlaqələr şöbəsinin müdiri

Orxan M. Salehli

Əlaqə: (050) 321 56 34 / (055) 803 72 97

[email protected]