Gələn il 11 ali, 4 peşə məktəbi akkreditasiyadan keçiriləcək

“2025-ci ildə 11 ali təhsil müəssisəsinin və 4 peşə təhsili müəssisəsinin institusional, eyni zamanda proqram akkreditasiyasının keçirilməsi planlaşdırılır”.

“Azərbaycan müəllimi” xəbər verir ki, bunu Təhsildə Keyfiyyət Təminatı Agentliyinin İdarə Heyətinin sədri Tural Əhmədov media nümayəndələri üçün təşkil edilmiş brifinqində deyib.

O qeyd edib ki, 2024-cü ildə akkreditasiyadan keçməyən ali təhsil müəssisələrində təkrar akkreditasiya qiymətləndirilməsinin həyata keçirilməsi, məktəbəqədər təhsil proqramı üzrə proqram, orta ixtisas təhsili müəssisələri üçün pilot akkreditasiya qiymətləndirilməsinin həyata keçirilməsi nəzərdə tutulur.

Bununla yanaşı, elektron akkreditasiya sistemi üzərindən akkreditasiya qiymətləndirilməsinin təşkili, həmçinin 100 məktəbəqədər təhsil müəssisəsində monitorinqlərin keçirilməsi planlaşdırılır.

Gələn il 11 ali, 4 peşə məktəbi akkreditasiyadan keçiriləcək

Oxşar Xəbərlər