“VEX Robotics” yarışlarının Respublika turniri olub

19 Yanvar 2025 17:34 |
Kateqoriya : TEXNOLOGİYALAR |
23

“VEX Robotics” yarışlarının Respublika turniri olub

18 yanvar tarixində “STEAM Azərbaycan” layihəsinin təşkilatçılığı ilə robot texnologiyaları və mühəndislik sahəsinin atası sayılan Joseph Engelbergerin 100 illik yubileyinə həsr edilmiş “VEX Robotics” yarışlarının “VEX IQ” kateqoriyası üzrə “JosephCUP 2025” adlı Respublika turniri baş tutub.

“Azərbaycan müəllimi” xəbər verir ki, Respublika turniri böyük maraq doğurub və ölkə üzrə geniş miqyasda keçirilib.

Turnirdə Azərbaycanın 19 fərqli regionundan 50-dən çox komanda iştirak edib. Ümumilikdə 300-dən çox şagirdi əhatə edib. İştirak edən komandalar təhsil aldıqları məktəbləri təmsil edərək həm fərdi bacarıqlarını nümayiş etdirib, həm də komanda ruhunu ön plana çıxarıb.

Turnirin sonunda ən yüksək nəticə göstərən komandalar müxtəlif nominasiyalar üzrə mükafatlandırılıb.

Facebookda bizi izləyin

Əvvəlki Xəbərlər Gimnastika məktəbində "Elf diyarı" adlı tədbir keçirilib

Sonrakı Xəbərlər Naxçıvanda monitorinq imtahanlarında 9 mindən artıq şagird iştirak edib