Çin ilk dəfə kosmosda oksigen əldə edib

Çinin “Tyanqonq” orbit stansiyasında olan “Shenzhou 19”un ekipaj heyəti ilk dəfə kosmosda raket yanacağı üçün oksigen və lazımi maddələr əldə edə bilib. 

“Azərbaycan müəllimi” xəbər verir ki, bu barədə “South China Morning Post” (SCMP) jurnalı məlumat yayıb.

Qeyd edilir ki, bu uğurlu eksperimentlər 2030-cu ilə qədər kosmosun hərtərəfli tədqiqinə yol açacaq.

Nəşrdə bildirilir ki, bütün ekipaj üzvləri oksigen hasil edən süni fotosintez texnologiyasının ilk dəfə orbitdə nümayişini uğurla həyata keçiriblər. Təcrübələr yarımkeçirici katalizatorlardan istifadə etməklə qapalı məkanda aparılıb.

Aparılan 12 tədqiqatın məqsədinin etilen istehsal etmək üçün karbon qazı və suyu oksigenə çevirmək olduğu bildirilib. Gələcəkdə kosmik gəmilər üçün yanacaq istehsalı zamanı istifadə edilə bilər. 

Müvafiq texnologiya fiziki və kimyəvi üsullardan istifadə edərək yaşıl bitkilərin təbii fotosintez prosesini təqlid edir.

Bundan əlavə, müəlliflər aydınlaşdırırlar ki, təcrübələr mikroqravitasiyanın təbii fotosintezə necə təsir etdiyini başa düşməyə yönəlib.