Nazir: Qızların təhsil imkanlarını genişləndirməyə çalışmalıyıq

Nazir: Qızların təhsil imkanlarını genişləndirməyə çalışmalıyıq

“100-120 il əvvəl, xüsusilə də Hacı Zeynalabdin Tağıyevin təşəbbüsü ilə müsəlman şərqində ilk dünyəvi qızlar məktəbinin açılması bu gün sadəcə bir tarixi hadisə kimi görünsə də, əslində bugünkü mühəndis, riyaziyyatçı və müəllim qadınların cəmiyyətə inteqrasiyasının əsasını qoymuşdu”.

“Azərbaycan müəllimi” xəbər verir ki, bunu elm və təhsil naziri Emin Əmrullayev bu gün Bakı Dövlət Universitetində təşkil edilən “Konstitusiya və Suverenlik ili” çərçivəsində “Qızların təhsil hüququ” mövzusunda keçirilən konfransda deyib.

“Başa düşməliyik ki, tarix boyu hər bir çətinlik insanı inkişafa sövq edən bir amil olub. Bizim cəmiyyət, xüsusilə də xanımlar və yeni nəsildən olan qızlar 120 il əvvəlki vəziyyəti dərk etməli və bu gün əldə etdikləri imkanların qiymətini bilməlidirlər. Bu irəliləyişi qorumaq və daha da inkişaf etdirmək üçün həmin riski daim nəzərdə saxlamalı və qızların təhsil imkanlarını genişləndirməyə çalışmalıyıq”, – deyə nazir qeyd edib.