Ana Səhifə
TƏHSİL XƏBƏRLƏRİ

Elm və təhsil naziri Abşeronda vətəndaşları qəbul edib

21 Fevral 2025 19:51 |
Kateqoriya : TƏHSİL XƏBƏRLƏRİ |
8

Elm və təhsil naziri Abşeronda vətəndaşları qəbul edib
Fevralın 21-də elm və təhsil naziri Emin Əmrullayev Abşeron rayonunda vətəndaş qəbulu keçirib.

“Azərbaycan müəllimi”xəbər verir ki, qəbulda Abşeron, Sumqayıt, Xızı, Qubadlı və Zəngilan sakinləri iştirak ediblər.

Qəbuldan əvvəl ulu öndər Heydər Əliyevin abidəsi ziyarət edilib, önünə gül dəstələri düzülüb.

Qəbul zamanı vətəndaşlar işlə təmin olunma, iş yerinin dəyişdirilməsi, tələbə köçürülməsi, həmçinin digər məsələlərlə bağlı müraciətlər ediblər.

Elm və təhsil naziri qəbula yazılmış vətəndaşları dinləyib, müraciətlərin operativ şəkildə araşdırılması, qaldırılan məsələlərin qanunvericiliyə uyğun həlli istiqamətində nazirliyin aidiyyəti qurumlarının rəhbərlərinə tapşırıqlar verib.