Danimarkada məktəblərdə smartfon istifadəsi qadağan ediləcək

Danimarkada məktəblərdə smartfon istifadəsi qadağan ediləcək



Danimarkada məktəblərdə smartfon istifadəsi qadağan ediləcək

Danimarkada məktəblərdə və məktəbdənkənar təhsil müəssisələrindəki fəaliyyətlərdə smartfonlardan istifadəyə qadağa qoyulacaq.

"Azərbaycan müəllimi" BBC News-a istinadən xəbər verir ki, Danimarkanın təhsil naziri bu addımın uşaqların rifahını nəzərdən keçirmək üçün yaradılmış komissiyanın tövsiyələri əsasında atıldığını bildirib.

Hazırda Danimarka hökuməti tərəfindən tam detallar açıqlanmasa da, uşaqlar və təhsil naziri Mattias Tesfaye qadağanıın tətbiqindən sonra "mobil telefonlar və şəxsi planşetlərin nə dərs zamanı, nə də tənəffüsdə istifadəsinə icazə verilməyəcəyi"ni söyləyib.

Plan Gənclərin Rifahı Komissiyasının tövsiyələri əsasında hazırlanır, həmçinin 13 və daha yuxarı yaşda olanlara smartfonların istifadəsini məhdudlaşdırmağı tövsiyə edir.

Komissiyanın rəhbəri Rasmus Meyer bildirib ki, "telefon bir uşağın otağına daxil olan kimi bütün zamanını zəbt edir. Bu, onların özünəinamını məhv etmək riski daşıyır. Əllərində qacet olan kimi onların rifahı pisləşir".

Məlumatda həmçinin qeyd olunur ki, son bir neçə ildə smartfon istifadəsinin rifah üçün potensial zərərlərinə daha çox diqqət yetirilib. Məsələn, yaxın zamanda Birminhem Universitetində aparılan araşdırmalar göstərib ki, smartfonlardan daha çox istifadə etmək şagirdlərin rifahına və məktəb işlərinə mənfi təsir göstərə bilər.

Facebookda bizi izləyin

Telegram kanalı

Whatsapp kanalı

Oxşar Xəbərlər