Qazaxıstanlı nazir: Ölkələrimiz arasında təhsil və texnologiya sahəsində yeni əməkdaşlıq imkanları açılır

Qazaxıstanlı nazir: Ölkələrimiz arasında təhsil və texnologiya sahəsində yeni əməkdaşlıq imkanları açılır

"Azərbaycan və Qazaxıstan arasında ali təhsil və texnologiya sahəsində yeni əməkdaşlıq imkanları açılır".

"Azərbaycan müəllimi" xəbər verir ki, bunu bu gün ADA Universitetində "Qazaxıstan və Azərbaycan arasında ali təhsil sahəsində əməkdaşlığın genişləndirilməsi" mövzusunda keçirilən görüşdə Qazaxıstan Respublikasının elm və ali təhsil naziri Sayasat Nurbek deyib.

"Qazaxıstan və Azərbaycanın qardaşlıq münasibətləri təhsil və elmi əməkdaşlıqda da öz əksini tapmalıdır. Biz akademik və tədqiqat sahələrində yeni imkanlar yaratmaq üçün birgə fəaliyyətimizi genişləndiririk. Həmçinin texnologiya və nəqliyyat sahəsində əlaqələrin inkişafı da gündəmdədir. Rəqəmsal infrastruktura və innovativ strategiyalara diqqət ayıraraq, iki ölkə arasında əlaqələri daha da möhkəmləndirməyi planlaşdırırıq”, - deyə S.Nurbek əlavə edib.