Qəbələ Dövlət Peşə Təhsil Mərkəzində təlim keçirilib

Qəbələ Dövlət Peşə Təhsil Mərkəzində təlim keçirilib

Qəbələ Dövlət Peşə Təhsil Mərkəzində “Peşə Təhsili və Karyera Körpüsü” layihəsi çərçivəsində “Karyera planlaşdırılması və işəgötürənlərlə əməkdaşlıq” mövzusunda ilk təlim keçirilib.

“Azərbaycan müəllimi” xəbər verir ki, Qəbələ Dövlət Peşə Təhsil Mərkəzində Təhsilalanlarla iş şöbəsinin əməkdaşları tərəfindən keçirilən təlimdə tələbələrə peşəyönümü iş, təhsilalanlara dəstək xidməti, karyera planlaması, işəgötürənlərlə əməkdaşlığın onlar üçün yaratdığı imkanlar və yeni layihələr haqqında məlumatlar verilib. Layihənin məqsədləri üzrə ətraflı danışılaraq, sonuncu kurs tələbələrinə layihədə iştirak ilə bağlı istiqamətlər verilib.

Qeyd edək ki, layihənin keçirilməsində məqsəd Qəbələ Dövlət Peşə Təhsil Mərkəzinin tələbələrinin peşəkar bacarıqlarını inkişaf etdirmək, onların əmək bazarına hazırlığını gücləndirmək və Mərkəzin ictimai reytinqini artırmaqdır. Həmçinin tələbələr ilə iş dünyası arasında əlaqələri möhkəmləndirmək, məzunların işəgötürənlərlə əməkdaşlıq perspektivlərini artırmaq və peşə təhsilinin cəlbediciliyini yüksəltmək hədəflənir.