UNEC-də “Elm Festivalı 2025” keçirilir – FOTOLAR

UNEC-də “Elm Festivalı 2025” keçirilir – FOTOLAR

Azərbaycan Dövlət İqtisad Universitetində (UNEC) 8-10 aprel tarixlərini əhatə edən “Elm Festivalı 2025” start götürüb. Festival UNEC-in III tədris binasında təşkil olunub.

“Azərbaycan müəllimi” xəbər verir ki, tədbirin rəsmi açılışında UNEC-in rektoru professor Ədalət Muradov, elm və təhsil naziri Emin Əmrullayev, AMEA-nın prezidenti akademik İsa Həbibbəyli və professor Rafiq Əliyev çıxış ediblər. 

Festival müddətində UNEC III tədris binasında kitab sərgisi, laboratoriyalara baxış və “Gələcəyin alimləri və mühəndisləri” adlı kreativ sərgi təşkil olunacaq.

“Elm Festivalı” çərçivəsində 9-10 aprel tarixlərində UNEC-in əsas tədris binasında bir sıra plenar sessiyalar da baş tutacaq. Sessiyalarda “Clarivate” şirkətindən İltafət İbrahimov, İsraildən professor Mark Applebaum, Avstriyadan professor Bəxtiyar Siraçov, Türkiyədən professor Abdulla Sofiyev və professor Adem Kalınlı kimi yerli və xarici mütəxəssislər çıxış edəcəklər. Hibrid formatda keçirilən plenar iclaslarda elm sahəsində rəqəmsallaşma, beynəlxalq platformalarda elmi jurnalların indekslənməsi və digər aktual mövzular müzakirə olunacaq.