ADNSU-da “Yüksəliş” müsabiqəsinin qalibləri ilə görüş keçirilib

ADNSU-da “Yüksəliş” müsabiqəsinin qalibləri ilə görüş keçirilib

Aprelin 8-də Azərbaycan Dövlət Neft və Sənaye Universitetində (ADNSU) “Yüksəliş” müsabiqəsinin qalibləri ilə görüş keçirilib.

Bu barədə universitetdən “Azərbaycan müəllimi”nə məlumat verilib. Bildirilib ki, görüşdə IV “Yüksəliş” müsabiqəsinin qalibləri Təbriz Əmmayev, Şəfəq Həsənəlizadə, Elnur Abdullazadə, eləcə də III müsabiqənin qalibi İlahə Baxışova Tahirli iştirak ediblər. Görüşdə qaliblər öz təcrübələrini bölüşərək müsabiqəyə hazırlıq mərhələləri, şəxsi inkişaf yolları və qazandıqları uğurlar barədə danışıb, həmçinin iştirakçıları bu təşəbbüslərdə fəal iştirak etməyə dəvət ediblər.   

Qaliblərin çıxışları maraqla qarşılanıb və iştirakçıları maraqlandıran suallar cavablandırılıb.

Qeyd edək ki, “Yüksəliş” müsabiqəsi Prezident İlham Əliyevin 26 iyul 2019-cu il tarixli Sərəncamı ilə təsis olunub. Müsabiqənin əsas məqsədi yüksək idarəetmə qabiliyyətinə malik perspektivli şəxsləri üzə çıxarmaq və ölkənin kadr ehtiyatı bankını formalaşdırmaqdır. Artıq V “Yüksəliş” müsabiqəsinə start verilib və ilkin qeydiyyat mərhələsi aprelin 10-da yekunlaşır.