ADNSU-da “Maarifçi” Tələbə-Məzun Təcrübə Proqramının təqdimatı keçirilib

ADNSU-da “Maarifçi” Tələbə-Məzun Təcrübə Proqramının təqdimatı keçirilib

Aprelin 14-də Azərbaycan Dövlət Neft və Sənaye Universitetində (ADNSU) “Maarifçi” Tələbə-Məzun Təcrübə Proqramının təqdimatı keçirilib.

Bu barədə universitetdən “Azərbaycan müəllimi”nə məlumat verilib. Bildirilib ki, Elm və Təhsil Nazirliyinin və Təhsilin İnkişafı Fondunun birgə tərəfdaşlığı ilə həyata keçirilən “Maarifçi” Tələbə-Məzun Təcrübə Proqramının təqdimatında universitetin tələbələri, məzunları, pedaqoji və işçi heyəti iştirak edib. 

Tədbirdə çıxışlar zamanı “Maarifçi” proqramının mahiyyəti, qeydiyyat prosesi və iştirakçıların əldə edəcəyi imkanlar haqqında ətraflı məlumat verilib. Bildirilib ki, proqramın əsas məqsədi tələbə və yeni məzunlara peşəkar təcrübə imkanları yaratmaq, onların əmək bazarına inteqrasiyasını sürətləndirmək və gələcək karyeralarına dəstək olmaqdır. 

Qeyd edək ki, “Maarifçi” proqramı gənclərin peşəkar inkişafına töhfə verməklə yanaşı, həm də onların təhsil aldıqları sahə üzrə real iş mühiti ilə tanış olmalarını təmin edir. Proqram çərçivəsində iştirakçılara mentor dəstəyi, təlimlər və karyera inkişafı ilə bağlı müxtəlif fəaliyyətlər də təqdim olunacaq.