İnformasiya Texnologiyaları İnstitutunun həmtəşkilatçılığı ilə “XIII Milli Superkompüter Forumu” keçiriləcək.

İnformasiya Texnologiyaları İnstitutunun həmtəşkilatçılığı ilə “XIII Milli Superkompüter Forumu” keçiriləcək.

26-29 noyabr 2024-cü il tarixlərində İnformasiya Texnologiyaları İnstitutunun həmtəşkilatçılığı ilə “XIII Milli Superkompüter Forumu” (Национальный Суперкомпьютерный Форум, НСКФ-2024) keçiriləcək.

İnstitutdan “Azərbaycan müəllimi”nə bildirilib ki, hibrid formatda baş tutacaq tədbir Rusiya Elmlər Akademiyasının Nanotexnologiyalar və İnformasiya Texnologiyaları Bölməsinin dəstəyi ilə keçirilir. Forum superkompüter texnologiyalarının yaradılması və tətbiqi təcrübəsi məsələlərinə həsr olunub. Tədbir çərçivəsində ümumrusiya elmi-praktik konfransı və sərginin keçirilməsi planlaşdırılır.

Qeyd edək ki, hazırda Rusiyada superkompüter sahəsində ən əhəmiyyətli tədbirlərdən biri hesab olunan НСКФ Rusiya Elmlər Akademiyasının Proqram Sistemləri İnstitutunda ənənəvi olaraq hər ilin noyabr ayının son həftəsində keçirilir. 

“XIII Milli Superkompüter Forumu” haqqında ətraflı məlumatı buradan əldə edə bilərsiniz: nscf.ru