MEK-də Böyük Vətən Müharibəsində Qələbənin 80 illiyi münasibətilə sərgi təşkil edilib

MEK-də Böyük Vətən Müharibəsində Qələbənin 80 illiyi münasibətilə sərgi təşkil edilib

AMEA-nın Mərkəzi Elmi Kitabxanasında (MEK) Böyük Vətən Müharibəsində Qələbənin 80 illiyi münasibətilə sərgi təşkil edilib.

MEK-in fondlarındakı nəşrlər əsasında təşkil olunan sərgidə “Faşizm”, “Qələbə günü”, “Sovet Birliyinin Böyük Vətən müharibəsi”, “Böyük Vətən müharibəsi illərində Azərbaycan”, “Vətənə və elmə xidmət edirdik”, Fikrət Əmirovun “Böyük Vətən müharibəsi qəhrəmanlarının əziz xatirəsinə poema-rekviem: Azərbaycan simfonik süitası”, “Akademik Ziya Bünyadov - 100: kataloq: Milli Azərbaycan Tarixi Muzeyinin kolleksiyası əsasında”, “Veteranlar sıramızdadır”, “Mehdi Hüseynzadə haqqında”, “Böyük Vətən müharibəsinin kitab fondu”, “Böyük Vətən müharibəsinin neftçi veteranları”, “Sovet İttifaqı Qəhrəmanı Həzi Aslanov” və digər nəşrlər təqdim edilir.

Kitablarda müharibənin və ona aparan hadisələrin xronologiyası, döyüşlərin təhlili və iştirakçıların xatirələri əks olunub. Burada, həmçinin müharibədə Azərbaycanın rolu, milli qəhrəmanlar, cəbhədə və arxa cəbhədə xidmət etmiş azərbaycanlılar haqqında məlumat verilib.

Sərgi iki həftə müddətində davam edəcək.