- 44
- 18 Aprel 2025 19:35

Elmi jurnalların nüfuzunun artırılması məqsədilə pilot layihəyə start verilib
- 16 May 2025 21:11 |
- Kateqoriya : MƏQALƏLƏR |
- 4
Elmi jurnalların nüfuzunun artırılması məqsədilə pilot layihəyə start verilib
Elm və Ali Təhsil üzrə Dövlət Agentliyində (EATDA) beynəlxalq elmi bazalarda indekslənən və indekslənmə potensialı olan altı jurnalın baş redaktorları və redaksiya heyəti ilə görüş keçirilib.
Agentlikdən “Azərbaycan müəllimi”nə bildirilib ki, görüşdə elmi jurnalların nüfuzunun artırılmasına yönəlmiş pilot layihənin ilkin mərhələsi müzakirə olunub.
Layihə Elm və Təhsil Nazirliyinin təşəbbüsü ilə "Elsevier" və "Clarivate" şirkətləri ilə əməkdaşlıq çərçivəsində həyata keçirilir. Seçilmiş jurnalların göstəricilərinin yaxın illər ərzində yüksəldilməsi məqsədilə birgə fəaliyyət planlaşdırılır.
Görüş zamanı riyaziyyat, biologiya, mühəndislik, informasiya texnologiyaları, humanitar və sosial elmləri əhatə edən jurnalların tədqiqat istiqamətləri, inkişaf prioritetləri, müəssisələr tərəfindən görülməli işlər və gözlənilən nəticələr ətrafında fikir mübadiləsi aparılıb.