VII Beynəlxalq Muğam Festivalı çərçivəsində muğam müsabiqəsi elan edilir

VII Beynəlxalq Muğam Festivalı çərçivəsində muğam müsabiqəsi elan edilir

“Muğam Aləmi” VII Beynəlxalq Muğam Festivalı çərçivəsində muğam ifası üzrə müsabiqə elan edilir.

“Azərbaycan müəllimi” xəbər verir ki, Heydər Əliyev Fondu və Mədəniyyət Nazirliyinin təşkilatçılığı, Elm və Təhsil Nazirliyi ilə Azərbaycan Milli Konservatoriyasının dəstəyi ilə baş tutan müsabiqə 18-20 iyun 2025-ci il tarixlərində baş tutacaq.

Müsabiqə ilkin seçim mərhələsi və iki açıq müsabiqə mərhələsindən ibarətdir. İlkin seçim mərhələsi sənədlər və ifaların səs yazıları əsasında keçirilir və müsabiqənin iştirakçılarını müəyyənləşdirir. Seçilmiş iştirakçılar Bakıda keçirilən müsabiqədə çıxış üçün dəvət olunurlar.

Müxtəlif ölkələrdən dəvət olunmuş ənənəvi musiqinin görkəmli biliciləri – musiqiçilər, tədqiqatçılar və musiqinin təbliği ilə məşğul olan mütəxəssislər müsabiqəyə hakimlik etmək üçün münsiflər heyətinə cəlb ediləcəklər.

Müsabiqənin şərtləri və əlavə məlumat üçün keçid edə bilərsiniz.