Müəllimlər üçün beynəlxalq sertifikasiya təlimləri davam edir

Müəllimlər üçün beynəlxalq sertifikasiya təlimləri davam edir

Mayın 21-dən etibarən Azərbaycan Respublikası Elm və Təhsil Nazirliyi ilə əməkdaşlıq çərçivəsində Təhsildə İnnovativ Texnologiyalar Əlavə Təhsil Mərkəzi tərəfindən həyata keçirilən və 5700-dən artıq müəllimi əhatə edən yeni təlim proqramı davam edir.

Bu barədə "Azərbaycan müəllimi"nə Təhsildə İnnovativ Texnologiyalar Əlavə Təhsil Mərkəzindən məlumat verilib.

Bildirilib ki, təlimlər Bakı və regionlar daxil olmaqla, 40-dan çox təhsil müəssisəsində keçirilir və il sonuna qədər davam edəcək.

Məqsəd müəllimlərə texnologiyaların tədris prosesində istifadəsi ilə bağlı bilik və bacarıqlar qazandırmaq, onları yaradıcı dərs planları və müasir öyrədici vasitələr hazırlamağa təşviq etməkdir.

Sonda müəllimlər “ITE”nin Certiport və ICDL beynəlxalq imtahan mərkəzlərində imtahan verərək beynəlxalq sertifikat da əldə edəcəklər!
Paylaşılmış şəkillər aşağıdakı təlimləri əhatə edir:

Salyan – Təhsildə onlayn ünsiyyət və kibertəhlükəsizlik
Masallı – Rəqəmsal savadlılıq
Bakı – "Microsoft sertifikatlı pedaqoq".

Ətraflı məlumat üçün: https://ite.az/contact