Bu il ADPU-dan 4400 nəfərdən çox tələbə məzun olur

Bu il ADPU-dan 4400 nəfərdən çox tələbə məzun olur

Bu il Azərbaycan Dövlət Pedaqoji Universitetdən filialları və Pedaqoji Kollec də daxil olmaqla, ümumilikdə 4400-dən çox təhsil alanın məzun olması gözlənilir.

Universitetdən “Azərbaycan müəllimi”nə bildirilib ki, bunlardan 2623 nəfəri Bakıda (2347 nəfəri bakalavr, 276 nəfəri magistr), 998 nəfəri filiallarda, 788 nəfəri isə Pedaqoji Kollecdə təhsil alan tələbələrdir. Onların içərisində 37 nəfər ADPU-CVU magistr ikili diplom proqramı, 26 nəfər SABAH magistratura proqramları, 45 nəfər isə bakalavrait səviyyəsi üzrə SABAH qruplarının məzunlarıdır.

Bildirilib ki, ADPU-nun bakalavr məzunlarından 1353 nəfəri magistraturaya ixtisas seçimi hüququ əldə ediblər. Universitetin builki məzunlarından 50 nəfəri xarici ölkələrin nüfuzlu universitetlərinə magistratura təhsili üçün müraciət edib və bu say artmaqdadır.

Eləcə də növbəti tədris ili üçün ADPU-nun qəbul planı artaraq bakalavriat səviyyəsində 2705 yerə (filialllarla birgə 3605 yer), magistratura səviyyəsində isə 608 yerə çatıb.