Məktəbəhazırlıq qruplarına qəbul başlayır

21 İyun 2025 12:19 |
Kateqoriya : ORTA TƏHSİL |
86

Məktəbəhazırlıq qruplarına qəbul başlayır

Bu gündən 2025–2026-cı tədris ili üçün məktəbəhazırlıq qruplarına qeydiyyat başlayır.

“Azərbaycan müəllimi” xəbər verir ki, qeydiyyat “mektebeqebul.edu.az” elektron sistemi vasitəsilə aparılacaq.

Azərbaycan bölməsi üzrə məktəb seçimi Bakı şəhəri istisna olmaqla, digər rayon və şəhərlərdə iyulun 8-dən, Bakı şəhərində isə iyulun 9-dan etibarən mümkün olacaq. Tədris digər dillərdə aparılan bölmələr üzrə məktəb və müəllim seçimi iyulun 10-dan başlayacaq.

Qeydiyyat prosesi 12 sentyabr 2025-ci il tarixinədək davam edəcək. Ümumi təhsil müəssisələrinə sənədlərin təqdim olunması isə 1–30 sentyabr 2025-ci il tarixləri arasında həyata keçiriləcək.

Xatırladaq ki, məktəbəhazırlıq qruplarına 2020-ci il təvəllüdlü, yəni bu il 5 yaşı tamam olan uşaqlar qəbul olunur.

Facebookda bizi izləyin

Telegram kanalı

Whatsapp kanalı

Əvvəlki Xəbərlər Bu il ADPU-dan 4400 nəfərdən çox tələbə məzun olur

Sonrakı Xəbərlər Universitetlərimiz əsas indikatorlar üzrə müsbət dinamika nümayiş etdiriblər – Təhsil eksperti