Xaricdə “İbtidai sinif müəllimliyi” təhsili alanların 90 faizi imtahandan keçə bilməyib

Xaricdə “İbtidai sinif müəllimliyi” təhsili alanların 90 faizi imtahandan keçə bilməyib

Təhsildə Keyfiyyət Təminatı Agentliyi (TKTA) tərəfindən xaricdə müəllimlik ixtisası üzrə ali təhsil almış şəxslərin peşə tanınması üzrə imtahan nəticələri açıqlanıb.

“Azərbaycan müəllimi” xəbər verir ki, xüsusilə "İbtidai sinif müəllimliyi" üzrə imtahanda iştirak edən 10 nəfərdən yalnız 1 nəfər keçid balını toplaya bilib. Beləliklə, 90 faiz namizəd uğursuz hesab edilib.

Bundan əlavə, "Tarix müəllimliyi" və "Kimya və biologiya müəllimliyi" ixtisası üzrə də nəticələr ürəkaçan deyil. Hər iki sahə üzrə imtahanda iştirak edən namizədlər keçid balı toplaya bilməyib. Hər iki ixtisas üzrə uğursuzluq faizi 100-ə çatıb.

Ən yüksək nəticə isə "Dil və ədəbiyyat müəllimliyi", "İnformatika", "Pedaqogika", "Riyaziyyat", "Korreksiyaedici təlim" və "Xarici dil müəllimliyi" üzrə qeydə alınıb. Bu sahələr üzrə imtahanda iştirak edənlərin əksəriyyəti keçid balını toplaya bilib və sənədləri tanınıb.