Agentlik işdən çıxarılan direktorla bağlı yuxarı instansiya məhkəməsinə müraciət edəcək

Agentlik işdən çıxarılan direktorla bağlı yuxarı instansiya məhkəməsinə müraciət edəcək

Samux rayonu İnstitut qəsəbə tam orta məktəbin işdən çıxarılan direktoru Gülsafa Abbasovanın vəzifəsinə bərpa edilməsi məsələsinə aydınlıq gətirilib.

Bu barədə "Azərbaycan müəllimi"nə Məktəbəqədər və Ümumi Təhsil Dövlət Agentliyindən məlumat verilib.

"Samux rayonu İnstitut qəsəbə tam orta məktəbin işdən çıxarılan direktoru Gülsafa Abbasovanın Nərimanov Rayon Məhkəməsinin qərarına əsasən vəzifəsinə geri qaytarılması ilə bağlı bildiririk ki, bu, birinci instansiya məhkəməsinin qanuni qüvvəyə minməmiş qərarıdır.

Belə ki, məhkəmə prosesi hazırda davam edir. Məktəbəqədər və Ümumi Təhsil üzrə Dövlət Agentliyi tərəfindən yuxarı instansiya məhkəməsinə müraciət ediləcək.

Qeyd edək ki, MÜTDA-nın “Son Zəng” tədbirlərinin keçirilməsi qaydalarını tənzimləyən təlimatın müvafiq bəndini (tədbirdə istifadə olunan musiqilərdə bayağı ifadələrin işlədilməməsi) pozduğuna görə agentliyin əmrinə əsasən Gülsafa Abbasova ilə bağlanmış əmək müqaviləsinə 24.06.2024-cü il tarixdə xitam verilib", - deyə məlumatda qeyd olunub.