Yeni model tətbiq olunacaq məktəblərdə kimlər dərs deyə bilər?

Yeni model tətbiq olunacaq məktəblərdə kimlər dərs deyə bilər?

Xəbər verdiyimiz kimi yeni tədris ilində bir sıra ümumi təhsil müəssisələrində tam orta təhsil səviyyəsi üzrə yeni təmayül tədris modelinin pilot qaydada tətbiqinə başlanılıb.

Bəs həmin sinflərdə dərs deyəcək müəllimlər hansı meyarlara əsasən seçiləcək?

Məktəbəqədər və Ümumi Təhsil üzrə Dövlət Agentliyindən “Azərbaycan müəllimi”nə verilən məlumata görə, layihə ilkin olaraq  seçilmiş ümumi təhsil müəssisələrində tətbiq edilir. 

Yeni tədris modelinə uyğun olaraq təmayül siniflərdə sertifikatlaşdırma imtahanında minimum 51 bal, müəllimlərin işə qəbulu imtahanı üzrə minimum 81 bal (sertifikatlaşdırmaya cəlb olunmamış müəllimlərə münasibətdə) toplamış və 3 ildən artıq pedaqoji təcrübəyə malik olan müəllimlər tədris prosesinə cəlb olunurlar.  

Qeyd edək ki, yeni təmayül tədris modelinin məqsədi X–XI sinif şagirdlərinə istədikləri istiqamətdə dərin öyrənmə imkanı yaratmaq, müəllimlərə təmayül siniflərində uyğun tədris şəraiti təmin etməkdi