“THE Avrasiya Universitetləri Sammiti” çərçivəsində vörkşop təşkil olunub – FOTO

“THE Avrasiya Universitetləri Sammiti” çərçivəsində vörkşop təşkil olunub – FOTO

Elm və Təhsil Nazirliyinin dəstəyi, Elm və Ali Təhsil üzrə Dövlət Agentliyi və “Times Higher Education” (THE) beynəlxalq reytinq agentliyinin birgə təşkilatçılığı ilə Bakıda “THE Avrasiya Universitetləri Sammiti” çərçivəsində “Building Strong Cross-Border Research Networks” mövzusunda vörkşop keçirilib.

“Azərbaycan müəllimi” xəbər verir ki, tədbirdə müxtəlif ölkələrin, o cümlədən Azərbaycan universitetlərinin nümayəndələri, professor-müəllim heyəti iştirak ediblər.

Vörkşopda THE-nin baş məzmun meneceri Bhavit Mehta, Böyük Britaniyanın Bukingemşir Yeni Universitetinin Liderlik və İnnovasiya Kollecinin dekanı Leah Fox, Macarıstanın Obuda  Universitetinin rektoru Levente Kovaç, Qazaxıstanın Almatı Menecment Universitetinin Qlobal tərəfdaşlıqlar üzrə prorektoru Şolpan Tazabek çıxış ediblər.

İştirakçılar bir-biri ilə tanış olub, öz elmi və pedaqoji fəaliyyətləri barədə geniş fikir mübadiləsi aparıblar. Onlar universitetlərarası tədqiqat əlaqələrinin gücləndirilməsi, tədris prosesində innovasiyaların tətbiqi və beynəlxalq əməkdaşlığın inkişafı mövzularında təcrübələrini bölüşüblər.