Nazir: NDU ilə humanitar fənlər olimpiadasını təsis edəcəyik

"Son iki ildə MR-də nazirlik olaraq Yusif Məmmədəliyev adına kimya-biologiya olimpiadası, Nəsrəddin Tusi adına fizika-riyaziyyat olimpiadasını təsis etmişik. Qeyd edim ki, Nəsrəddin Tusi adına fizika-riyaziyyat olimpiadasına bu ildən informatika fənnini də əlavə edəcəyik".

Bu fikirləri “Azərbaycan müəllim”nə Naxçıvan Muxtar Respublikasının təhsil naziri Elxan Nəcəfov deyib.

Onun sözlərinə görə, yeganə olaraq humanitar fənlər üzrə olimpiada yox idi ki, o da təsis olunacaq :

"NDU ilə bağlanmış memorandum çərçivəsində humanitar fənlər olimpiadasını təsis edəcəyik. Onun H.Cavid, ya C. Məmmədquluzadə adına olacağı ilə bağlı hələ qərar verməmişik. Bura xüsusilə Azərbaycan dili, ədəbiyyat, xarici dillər, tarix fənnini də əlavə edəcəyik. Çoğrafiya fənnini isə Yusif Məmmədəliyev adına kimya-biologiya olimpiadasına əlavə etməyi düşünürük. Bütün bunlar imkan verəcək ki, burada aşkarlanan şagirdlərimiz bizi müxtəlif olimpiadalarda təmsil etsin".