BANM 36 Prezident təqaüdçüsü ilə ölkə rekordçusu oldu

04 Oktyabr 2025 19:27 |
Kateqoriya : ALİ TƏHSİL |
14

BANM 36 Prezident təqaüdçüsü ilə ölkə rekordçusu oldu

Bakı Ali Neft Məktəbi (BANM) 36 Prezident təqaüdçüsü ilə lider və ölkə rekordçusu oldu.

“Azərbaycan müəllimi” xəbər verir ki, Azərbaycan Prezidenti cənab İlham Əliyevin “2025-2026-cı tədris ilində Azərbaycan Respublikasının ali məktəblərinə daxil olmuş tələbələrə Prezident təqaüdünün verilməsi haqqında müvafiq sərəncamına əsasən, Prezident təqaüdünə layiq görülmüş tələbələrin 36 nəfəri Bakı Ali Neft Məktəbində təhsil alır.

Ümumilikdə ölkə üzrə Prezident təqaüdünə layiq görülən tələbələrin sayı 102 nəfərdir.

BANM artıq 6-cı ildir ki, Prezident təqaüdçülərinin sayına görə liderdir.

BANM-in Prezident təqaüdçülərindən 11 nəfəri “İnformasiya təhlükəsizliyi”, 8 nəfəri “Kimya mühəndisliyi”, 2 nəfəri “Biznesin idarə edilməsi”, 2 nəfəri “Kompüter mühəndisliyi”, 1 nəfəri “Kompüter elmləri”, 12 nəfəri isə yeni açılan “Maliyyə” ixtisasının tələbəsidir.

Facebookda bizi izləyin

Telegram kanalı

Whatsapp kanalı

Əvvəlki Xəbərlər ADA Universitetində iqlim keçidində ali təhsilin rolu müzakirə olunub

Sonrakı Xəbərlər "QS 2026" qlobal reytinqinə daxil olan universitetlərimiz təltif olunub