Gəncədə “Gənc müəllimlər: Suverenlik yolunda təhsil missiyası” adlı forum keçirilib

Gəncədə “Gənc müəllimlər: Suverenlik yolunda təhsil missiyası” adlı forum keçirilib

Gəncə şəhərində Azərbaycan Gənc Müəllimlər Assosiasiyasının təşkilatçılığı ilə “Gənc müəllimlər: Suverenlik yolunda təhsil missiyası” adlı forum təşkil olunub. Forumdan əvvəl Gəncə Memorial Kompleksində abidə önünə gül dəstələri düzülüb.

"Azərbaycan müəllimi" xəbər verir ki, tədbirdə təhsilin inkişafında gənc müəllimlərin rolu, suverenlik və milli dəyərlərə əsaslanan təhsil modelinin gücləndirilməsi mövzuları müzakirə olunub.

Forumda Gəncə-Daşkəsən Regional Təhsil İdarəsinin müdiri Elçin Kərimov, Azərbaycan Gənc Müəllimlər Assosiasiyasının sədri Pərvinə Qədimova, Milli Məclisin deputatları Pərvin Kərimzadə və Naqif Həmzəyev, Prezident mükafatçısı Elnur Həsənov və gənc müəllimlər iştirak ediblər.

Çıxışlar zamanı ölkəmizdə müəllim nüfuzunun yüksəldilməsi, müəllimlərin peşəkar inkişafı və gənc nəslin milli-mənəvi dəyərlərlə yetişdirilməsində müəllimlərin missiyası vurğulanıb.

Tədbir panel müzakirələri və fikir mübadiləsi ilə davam edib. Qeyd edək ki, forum gənc müəllimlərin motivasiyasını artırmaq və onları təhsil islahatlarında daha fəal iştirakçıya çevirmək məqsədi daşıyır.