AzMİU-nun 50 illik yubileyinə həsr olunmuş sərgi keçirilib

AzMİU-nun kitabxanası universitetin 50 illik yubileyinə həsr olunmuş kitab sərgisi təşkil edib.

AzMİU-dan "Azərbaycan müəllimi"nə bildirilib ki, sərgidə universitetin fəaliyyətinə, elmi və tədris nailiyyətlərinə dair, eləcə də memarlıq və inşaat sahəsinə aid nüfuzlu nəşrlər nümayiş olunub.

Tədbir zamanı kitabxananın tarixinə həsr edilmiş xüsusi videoçarx da təqdim olunub. Videoçarxda kitabxananın inkişaf mərhələləri, fondun zənginləşdirilməsi istiqamətində görülən işlər və universitetin elmi-mədəni həyatındakı rolu əks edilib.

Sərgi çərçivəsində Azərbaycan Milli Mətbuatının 150 illiyi də qeyd olunub. Milli mətbuatın təşəkkülü, inkişaf yolu və ölkənin elmi-mədəni mühitinə verdiyi töhfələr barədə məlumatlar təqdim edilib.

Tədbir iştirakçıları sərginin universitetin yubileyinə layiqli töhfə olduğunu qeyd edib, kitabxananın bu sahədə fəaliyyətini yüksək qiymətləndiriblər.