AzMİU-da "Dayanıqlı şəhərin mobilliyinin ekologiyaya təsiri” mövzusu müzakirə edilib

Sənayenin təşkili və idarə edilməsi kafedrasının təşəbbüsü ilə Azərbaycan Memarlıq və İnşaat Universitetinin (AzMİU) 50 illiyinə həsr olunmuş "Dayanıqlı şəhərin mobilliyinin ekologiyaya təsiri" mövzusunda seminar təşkil edilib.

Universitetdən "Azərbaycan müəllimi"nə bildirilib ki, seminar Rəqəmsal İnkişaf və Nəqliyyat Nazirliyi yanında İctimai Şuranın üzvü, nəqliyyat üzrə ekspert Rauf Ağamirzəyev tərəfindən keçilib.

Ekspert iqlim dəyişikliyi fonunda ekologiyada rast gəlinən anomaliyalardan və bu prosesin qarşsının alınma yollarından söz açıb. Bildirib ki, hər bir şəxs ekologiyanın keşiyində dayanmalı, ətraf mühiti qorumaq üçün addımlar atmalıdır.

Rauf Ağamirzəyev AzMİU-nun bu kimi məsələlərə çox həssas yanaşdığını, təşkil olunan seminarın da buna sübut olduğunu vurğulayıb.

Ekspert seminarın sonunda iştirakçıların çoxsaylı suallarını da cavablandırıb.