Qrant ayrılan özəl bağçaların aylıq ödənişi açıqlandı – SİYAHI

Elm və Təhsil Nazirliyi tərəfindən həyata keçirilən özəl məktəbəqədər təhsil müəssisələri üçün qrant müsabiqəsinin nəticələrinə əsasən, seçilmiş özəl bağçalarda təhsilə cəlb olunan hər bir uşağın aylıq təhsil haqqının 250 manatlıq hissəsinin dövlət qrantı hesabına ödənilməsi, qalan məbləğin isə valideyn tərəfindən qarşılanması nəzərdə tutulur.

Lakin son günlərdə sosial şəbəkələrdə yayılan məlumatlarda iddia edilir ki, qrant qalibi olan bəzi bağçalar bu prosesdən sui-istifadə edərək qiymətləri artırır. Məsələn, əvvəlki aylarda 250–300 manat olan aylıq ödənişin bəzi müəssisələrdə hazırda 450–550 manat olduğu bildirilir.

"Azərbaycan müəllimi"nin sorğusuna cavab olaraq Elm və Təhsil Nazirliyindən bildirilib ki, qrant müqavilələrinin icrası başlandıqdan sonra müvafiq cədvəldə göstərilən ödənişlər elektron portal üzərindən həyata keçiriləcək və valideynlərdən əlavə ödənişlərin tələb olunmasına yol verilməyəcək: "Bildiyiniz kimi, 63 özəl məktəbəqədər təhsil müəssisəsi Elm və Təhsil Nazirliyi tərəfindən elan olunan özəl məktəbəqədər təhsil müəssisələri üçün qrant müsabiqəsinin qalibi olub və qalib gəlmiş özəl bağçalarla qrant müqavilələri imzalanıb.

Nəzərinizə çatdırırıq ki, qrant müqavilələrinin icrası başlandıqdan sonra müvafiq cədvəldə göstərilən ödənişlər elektron portal üzərindən həyata keçiriləcək və valideynlərdən əlavə ödənişlərin tələb olunmasına yol verilməyəcək.

Valideynlər müvafiq cədvəldə qeyd edilmiş təhsil haqlarından kənar hər hansı ödəniş tələbi ilə üzləşildiyi halda, Elm və Təhsil Nazirliyinin 146 Çağrı Mərkəzinə məlumat verə bilərlər.

Vurğulayırıq ki, qrant müsabiqəsi üzrə bütün məlumatların tam şəffaflıqla ictimaiyyətə təqdim edilməsi davam etdiriləcək".

Qrant müsabiqənin qalibi olan bağçaların aylıq ödənişlərinin məbləğini təqdim edirik:

Fayllar
Qrant ayrılan özəl bağçalarda aylıq ödənişlər.pdf