"SOCAR Hackathon 2025"ə qeydiyyat başlayıb

Dekabrın 13-14-də Bakı Ali Neft Məktəbində "SOCAR Hackathon 2025" keçiriləcək.

"Azərbaycan müəllimi" xəbər verir ki, hakatonun məqsədi SOCAR-ın innovasiya gündəliyinə uyğun süni intellekt və məlumat mühəndisliyi üzrə yeni texnoloji həllər hazırlamaq, həmçinin gəncləri yaradıcı, praktiki həllər üzərində işləməyə təşviq etməkdir.

Hakaton iki istiqamət – "Süni intellekt mühəndisliyi" (AI Engineering) və "Məlumat mühəndisliyi" (Data Engineering) üzrə keçiriləcək.

Süni intellekt mühəndisliyi zamanı əl yazısı məlumatlarının emalı, məlumat mühəndisliyində isə seysmik məlumatların bərpası icra olunacaq.

İştirakçılar komandalar şəklində (ən çox 3 nəfər) müraciət edə bilərlər.

İlkin seçim mərhələsində komandaların motivasiya məktubu, CV-ləri və texniki bacarıqları nəzərə alınacaq.

Seçilmiş komandalar 48 saat ərzində SOCAR-ın təqdim etdiyi real məlumat bazaları üzərində işləyərək texnoloji həllər hazırlayacaqlar.

Mükafat fondu (hər istiqamət üzrə):

1-ci yer – 4 000 AZN

2-ci yer – 2 000 AZN

3-cü yer – 1 000 AZN

Qeydiyyat üçün: https://forms.gle/gW42pPctvkFVQfKm7

Ətraflı məlumat üçün: https://hackathon.socar.az/

Son müraciət tarixi: 7 dekabr 2025-ci il, saat 23:59-a qədər

Məkan: Bakı Ali Neft Məktəbi kampusu, Bakı şəhəri, Bibiheybət qəsəbəsi, Yeni Salyan yolu 3-cü km, 25