Gənc müəllimlər üçün Türkiyədə təcrübə imkanı layihəsinin icrasına başlanılıb

Gənc müəllimlər üçün Türkiyədə təcrübə imkanı layihəsinin icrasına başlanılıb

“Gənc müəllimlər üçün Türkiyədə təcrübə imkanı” qrant layihəsinin açılış tədbiri keçirilib.

“Azərbaycan müəllimi” xəbər verir ki, tədbirdə Qusar rayonu üzrə Təhsil Sektorunun əməkdaşları Rövşən Bünyatov, İldırım Zeynalov, Qusar rayon Çiləgir kənd tam orta məktəbin direktoru Farid Eldarov, Aşağı Ləgər kənd tam orta məktəbin direktoru Murad Həsənov və Quxuroba kənd tam orta məktəbin direktoru Rəşid Tahirov rəsmi qonaq qismində iştirak ediblər. Layihə rəhbəri Elçin Salmanov təqdimatla çıxış edərək layihə ilə bağlı iştirakçılara ətraflı məlumat verib.

Xatırladırıq ki, “Gənc müəllimlər üçün Türkiyədə təcrübə imkanı” qrant layihəsi Elçin Salmanov tərəfindən Qusar rayon Urva kənd tam orta məktəbdə həyata keçirilir. Layihə çərçivəsində müəllimlərin beynəlxalq təcrübə əldə edərək, tədris prosesini müasir metodlara həyata keçirmələri, məktəbdən 3 müəllimin Türkiyədə 1 həftəlik təcrübə proqamında iştirak etməsi və təcrübə proqramından qayıdan müəllimlərin məktəbdə seminar formatında 2 dəfə olmaqla digər kolleqaları ilə öyrəndiklərini bölüşmələri nəzərdə tutulur.