Hacıqabulda 700-dən çox şagird STEAM dərslərinə cəlb edilib

Hacıqabulda 700-dən çox şagird STEAM dərslərinə cəlb edilib

Hacıqabul rayonu üzrə STEAM dərslərinə cəlb olunan şagirdlərin statistikası açıqlanıb.  

"Azərbaycan müəllimi" xəbər verir ki, bu barədə Şirvan-Salyan Regional Təhsil İdarəsi üzrə "STEAM layihəsi tətbiq olunan ümumtəhsil məktəblərimizi tanıyaq" həftəsi çərçivəsində məlumat verilib.

Bildirilib ki, layihə Hacıqabul rayonu üzrə ümumtəhsil məktəblərində 2020-ci ildən etibarən tətbiq olunmağa başlanılıb. Hacıqabul rayonu üzrə hazırda Hacıqabul şəhəri 5, 8, 10 nömrəli tam orta ümumtəhsil məktəbləri olmaqla, ümumilikdə 3 ümumtəhsil məktəbində STEAM layihəsi həyata keçirilir. Həmin məktəblər üzrə 29 sinifdə 706 nəfər şagird STEAM layihəsinə cəlb olunub. Layihəyə cəlb olunan şagirdlər rayon üzrə olan ümumi şagirdlərin 7%-ni təşkil edir.                                                                                                                 
Qeyd edək ki, STEAM layihəsinin əsas məqsədi şagirdlərdə yaradıcı yanaşma, tənqidi düşüncə, təşəbbüskarlıq və kommunikasiya bacarıqlarını inkişaf etdirməkdir. Bu yanaşma təhsilalanların xüsusilə mühəndisliyə və texnologiyalardan istifadəyə marağını artırır, onların layihələrdə fəal iştirakına müsbət təsir göstərir. Nəticədə şagirdlərin dərsə marağı yüksəlir, akademik nailiyyətləri yaxşılaşır və bilik-bacarıqlarının inkişafında, eləcə də gələcək karyera seçimində mühüm rol oynayır.