Şirvan-Salyan regionunun 1000-dən çox şagirdi peşə təmayüllü siniflərdə təhsil alır 

 

Şirvan-Salyan Regional Təhsil İdarəsinin tabeliyindəki ümumtəhsil müəssisələrində yaradılan peşə təmayüllü siniflərin statistikası açıqlanıb.

"Azərbaycan müəllimi" xəbər verir ki, bu region üzrə ümumilikdə 1097 şagird peşə təmayüllü siniflərdə təhsil alır. 
Biləsuvar rayonu üzrə 2019–2020-ci tədris ilindən fəaliyyət göstərən “Peşə təmayüllü siniflər” (PTS) layihəsi 11 ümumtəhsil məktəbində həyata keçirilir. Həmin məktəblər üzrə 18 sinifdə 341 nəfər şagird layihəyə cəlb edilib.

Hacıqabul rayonu üzrə 2021-2022-ci tədris ilindən fəaliyyət göstərən “Peşə təmayüllü siniflər” (PTS) layihəsi 5 ümumtəhsil məktəbində tətbiq olunur. Həmin məktəblər üzrə 12 sinifdə 224 nəfər şagird layihəyə cəlb edilib.
Neftçala rayonu üzrə 2020-2021-ci tədris ilindən fəaliyyət göstərən “Peşə təmayüllü siniflər” (PTS) layihəsi 4 ümumtəhsil məktəbində PTS layihəsi tətbiq olunur. Həmin məktəblər üzrə 8 sinifdə 138 nəfər şagird layihəyə cəlb edilib.

Salyan rayonu üzrə 2020-2021-ci tədris ilindən etibarən fəaliyyət göstərən sözügedən layihə  8 ümumtəhsil məktəbində tətbiq olunur. Həmin məktəblər üzrə 12 sinifdə 214 nəfər şagird layihəyə cəlb edilib.

Şirvan şəhəri üzrə 2019-2020-ci tədris ilindən etibarən fəaliyyət göstərən layihə 7 ümumtəhsil məktəbində PTS layihəsi tətbiq olunur. Həmin məktəblər üzrə 12 sinifdə 207 nəfər şagird layihəyə cəlb edilib.

Qeyd edək ki, layihəyə  şagirdlərə tam orta təhsil haqqında sənəd almaqla yanaşı, 2 ixtisas üzrə ilkin peşə təhsili ilə bağlı sertifikat əldə etmək imkanı yaradır. Bu sertifikatlar şagirdlərin əmək bazarında iş tapmasını asanlaşdırır.                                                                                                                                                              

Müvafiq məktəblərdə peşə təmayüllü siniflərə qəbul 10-cu sinifdən həyata keçirilir. Bu siniflərdə təhsil almaq üçün şagird 9-cu sinfi bitirdikdən sonra öz ərizəsi ilə peşə təmayüllü sinfin yerləşdiyi məktəbə müraciət edir.

Xatırladaq ki, layihənin əsas məqsədi ümumi orta təhsil bazasında təhsil alan şagirdlərin müxtəlif peşələr üzrə ilkin bilik və bacarıqlara yiyələnməsi, peşə ixtisasları haqqında məlumatlandırılması, onların əmək bazarına və peşə təhsilinə hazırlanmasıdır.